ئه‌مڕۆ به‌رگی پێنجه‌می ڕۆژمێری پێشمه‌رگه‌یه‌ك كه‌وته‌ به‌ردیدی خوێنه‌ران

23.01.2022

وێنەکان

ئه‌مڕۆ به‌رگی پێنجه‌می ڕۆژمێری پێشمه‌رگه‌یه‌ك كه‌وته‌ به‌ردیدی خوێنه‌ران

جەماوەر نیوز

ئه‌مڕۆ له‌ مه‌راسیمێكدا به‌رگی پێنجه‌می ڕۆژمێری پێشمه‌رگه‌یه‌ك بڵاوكرایه‌وه‌.

ئه‌مڕۆ یه‌ك شه‌ممه‌ 23ی كانونی دووه‌می 2022 له‌ شاری سلێمانی محه‌مه‌د حاجی مه‌حمود به‌رگی پێنجه‌می ڕۆژمێری پێشمه‌رگه‌یه‌ك بڵاوكرده‌وه‌.

له‌ مراسیمه‌كه‌دا محه‌مه‌د حاجی مه‌حمود نوسه‌ری كتێبی به‌رگی پێنجه‌می ڕۆژمێری پێشمه‌رگه‌یه‌ك ڕایگه‌یاند له‌ ساڵی 1976 ڕۆژانه‌ ئه‌و شتانه‌م نوسوه‌ته‌وه‌ و ئه‌و كتێبانه‌م نوسیوه‌ به‌ ڕای خۆم نه‌منوسیوه‌ته‌وه‌، من ڕۆژانه‌ ئه‌و شتانه‌م نوسیوه‌ته‌وه‌ و نقڵمكردووه‌ و كات و به‌رواری تێدایه‌ و زه‌روریه‌ت وایكرد بتوانم بنوسم.

ناوبراو وتیشی ڕه‌نگه‌ میلله‌ته‌كه‌مان یه‌كێك له‌و كێشانه‌ی ئه‌وه‌ بوبێت نه‌ مێژووی خۆی باشی نوسیوه‌ته‌وه‌ و نه‌باشیش خوێندویه‌تیه‌وه‌.

له‌ مه‌راسیمه‌كه‌دا د. هه‌ڤاڵ ئه‌بوبه‌كر،پارێزگاری سلێمانی: كاكه‌ حه‌مه‌ توانویه‌تی كوردایه‌تی بخاته‌ پێش حزبایه‌تی.
پارێزگاری سلێمانی وتیشی محه‌مه‌د حاجی مه‌حمود به‌رگی پێشمه‌رگایه‌تی له‌به‌ر دانه‌كه‌ندووه‌.
بەرگی (پێنجەمی) کتێبی ڕۆژمێری پێشمەرگەیەک بریتییە لە یاداشت و یادەوەریی و زانیاری و بەڵگەنامە مێژووییەکانی سەردەمی پێشمەرگایەتی و خەباتی پارتیزانیی پێشمەرگەی کوردستان.