نێچیرڤان بارزانى: خه‌ڵک بێزار و ماندوبوون، هه‌موومان ده‌بێ به‌ خۆماندا بچینه‌وه‌

29.05.2023
وێنەکان
نێچیرڤان بارزانى: خه‌ڵک بێزار و ماندوبوون، هه‌موومان ده‌بێ به‌ خۆماندا بچینه‌وه‌
جەماوەر نیوز

ئێواره‌ى رۆژى یه‌کشه‌ممه‌ 28/5/2023 به‌ ئاماده‌بوونى به‌ڕێزان مه‌سعوود بارزانی، ومحه‌مه‌د حاجى مه‌حمود و سه‌رۆکى هه‌رێمى کوردستان، سه‌رۆک وه‌زیرانى هه‌رێمى کوردستان، سه‌رۆکى ئه‌نجومه‌نى نوێنه‌رانى عێراق و ژماره‌یه‌ک له‌ به‌رپرسانى حکوومى و حزبى و نوێنه‌رى وڵاتان و ئه‌کادیمى و که‌سوکارى قوتابیان، ڕێوڕه‌سمى پێنجه‌مین خولى ده‌رچووانى زانکۆى ئه‌مه‌ریکی کوردستان له‌ دهۆک به‌ڕێوه‌چوو.

سه‌رۆکى هه‌رێمى کوردسستان رایگه‌یاند:"ڕێگه‌ى ڕاست و دروست بۆ تێپه‌راندنى کێشه‌ و قه‌یرانه‌کان له‌ عێراق، پابه‌ندبوونه‌ به‌ ڕێککه‌وتن و لێکگه‌یشتنى نێوان لایه‌نه‌کان به‌گشتى و لایه‌نه‌کانى هاوپه‌یمانیى به‌ڕێوه‌بردنى ده‌وڵه‌ت به‌ شێوه‌یه‌کى تایبه‌تى. ده‌بێ عێراق کۆکه‌ره‌وه‌ى هه‌موومان بێت که‌ تیایدا هه‌موو مافه‌ ده‌ستوورییه‌کانى ته‌واوى پێکهاته‌کان پارێزراو و ڕێزلێگیراو بن. مێژوو ئه‌مه‌ى سه‌لماندووه‌ و ده‌بێ هه‌موومان په‌ند و وانه‌ له‌ ڕابردوو وه‌رگرین".

ووتى :"چ له‌ عێراق و چ له‌ هه‌رێمى کوردستان، خه‌ڵک ئیتر له‌ کێشه‌ و ناکۆکیى سیاسى، بێزار و ماندوو بووه‌. هه‌موومان ده‌بێ به‌ خۆماندا بچینه‌وه‌ و به‌رژه‌وه‌ندیى باڵاى وڵات، بخه‌ینه‌ سه‌رووى هه‌موو شتێکه‌وه‌. ئێمه‌ ته‌نیا و ته‌نیا به‌ یه‌کڕیزى و یه‌کترقبووڵکردن و ته‌بایى و پێکه‌وه‌ ده‌توانین پارێزگارى له‌ قه‌واره‌ى فیدراڵى و مافه‌ ده‌ستوورییه‌کانى هه‌رێمى کوردستان بکه‌ین و به‌ره‌و داهاتوویه‌کى باشتر، هه‌نگاو بنێین".

 


ده‌قى ووتارى سه‌رۆکى هه‌رێم 


بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ