بەڕێوەبەرایەتیی حەج و عومرەی هەرێم هۆشداری بەو کەسانە دەدات کە بانگەشە بۆ رێکخستنی گەشتی عومرە دەکەن بە شێوەیەکی نایاسایی.

13.08.2025
جەماوەر نیوز

به‌رێوه‌به‌رایه‌تی گشتی حه‌ج و عومڕه‌ی كوردستان لە بڵاوکراوەیەکدا ڕایگەیاند، به‌ مه‌به‌ستی رێكخستنی پرۆسه‌ی عومڕه‌ بۆ ساڵی 2025 – 2026 به‌رێوه‌به‌رایه‌تی گشتی حه‌ج و عومڕه‌ی كوردستان هۆشداری توند ده‌داته‌ هه‌موو ئه‌و كه‌سانه‌ی كه‌ له‌ ژێر ناوی جیا جیا و به‌ به‌كارهێنانی په‌یجه‌كانی سوشیاڵ میدیا ده‌ستیان كردووه‌ به‌ ریكلام كردن بۆ بردنی هاووڵاتیان بۆ عومڕه‌ به‌ شێوه‌یه‌كی نایاسایی به‌ بێ ئه‌وه‌ی كۆمپانیای حه‌ج و عومڕه‌یان هه‌بێت یاخود هاوپشك و فه‌رمانبه‌ر بن له‌ هیچ كۆمپانیایه‌كی حه‌ج و عومڕه‌ ،

ئاماژەی بەوەشکرد، بۆیه‌ لێره‌وه‌ به‌ پێویستی ده‌زانین به‌ له‌به‌ر چاوگرتنی به‌رژه‌وه‌ندی گشتی هاووڵاتیان و مافی كۆمپانیاكانی حه‌ج و عومڕه‌ كه‌ له‌ به‌رێوه‌به‌رایه‌تی گشتی حه‌ج و عومڕه‌ به‌ فه‌رمی تۆمار كراون و گرێبه‌ستیان كردووه‌ هه‌ر كه‌سێك له‌ دوای ئه‌م هۆشدارییه‌ ئه‌م كاره‌ رانه‌گرێت ڕووبه‌ڕووی لێپێچینه‌وه‌ی یاسایی و كارگێری ده‌بێته‌وه‌ .


بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ