وەزارەتی سامانە سروشتییەکان و وەزارەتی نەوتی عێراق لەسەر هەناردەکردنەوەی نەوت ڕێککەوتن

13.08.2025
جەماوەر نیوز

وه‌زاره‌تی سامانه‌ سروشتییه‌كانی حكومه‌تی هه‌رێمی كوردستان رایگه‌یاند، له‌گه‌ڵ وه‌زاره‌تی نه‌وتی عێراق له‌ سه‌ر میكانیزمی  هه‌نارده‌كردنه‌وه‌ی نه‌وت ڕێككه‌وتن و ئه‌و رێكه‌وتنه‌ش له‌لایه‌ن 23 كه‌سایه‌تی شاندی هه‌ردولا واژۆكراوه‌.

به‌گوێره‌ی راگه‌یه‌ندراوێكی وه‌زاره‌تی سامانه‌ سروشتییه‌كان، وه‌زاره‌ته‌كه‌یان له‌گه‌ڵ وه‌زاره‌تی نه‌وتی عێراق له‌ سه‌ر میكانیزمی هه‌نارده‌كردنه‌وه‌ی نه‌وت ڕێككه‌وتن و كۆنوسی ڕێككه‌وتنه‌كه‌ش له‌لایه‌ن 23 كه‌سایه‌تی شاندی هه‌ردولا واژۆ كراوه‌ 17 ئه‌ندامی شاندی وه‌زاره‌تی نه‌وتی عێراق بون.  

له‌راگه‌یه‌ندراوه‌كه‌دا هاتوه، كۆبونه‌وه‌كان له‌ 17ی مانگی (ته‌مموز/7)ی 2025 ده‌ستیانپێكرد و له‌م ماوه‌یه‌ سه‌ردانی ته‌واوی كێڵگه‌كانی هه‌رێم كراوه‌ و دوای هه‌ڵسه‌نگاندنی كێشه‌كانی هونه‌ری گفتوگویه‌كی زۆر، له‌ 11ی (ئاب/8) رێكه‌وتن له‌سه‌ر میكانیزمی هه‌نارده‌كردنی نه‌وتی كێڵگه‌كانی هه‌رێم كراوه‌، كه‌ به‌ گوێره‌ی به‌رهه‌می ڕۆژانه‌ی كێڵگه‌ نه‌وتییه‌كانی هه‌رێمی كوردستان ده‌بێت، ئه‌ویش دوای ئه‌وه‌ی 50 هه‌زار به‌رمیل بۆ پێویستی ناوخۆی هه‌رێم گلده‌درێته‌وه‌، به‌رهه‌مه‌كه‌ی دیكه‌ بۆ هه‌نارده‌كردن ڕاده‌ستی  كۆمپانیای سۆمۆ ده‌كرێت.

ئه‌وه‌شخراوه‌ته‌ڕو، بۆ ده‌ستپێكردنه‌وه‌ی هه‌نارده‌ی نه‌وتی هه‌رێمی كوردستان، ماوه‌ته‌وه‌ حكومه‌تی فیدڕاڵ له‌گه‌ڵ حكومه‌تی توركیا قسه‌ بكات و پرۆسه‌كه‌ جێبه‌جێبكرێت.


بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ