گۆڕانکاری لە پۆستی بەڕێوەبەری پۆلیسی هەولێر کرا

14.08.2025
جەماوەر نیوز
پارێزگای هەولێر ڕایدەگەیەنێت، عەميد كامل محەممەد باقر، لە شوێنی عەمید شوان عارەب، وەک بەڕێوەبەری پۆلیسی هەولێر دەستبەکاربوو.
پێنجشەممە 14ـی ئابی 2025،  بە ئامادەبوونى ئومێد خۆشناو، پارێزگارى هەولێر و هێمن میرانى، بەڕێوەبەرى گشتیى دیوانى وەزارەتى ناوخۆ و لیوا تارق ئەحمەد، بەڕێوەبەرى گشتیى پۆلیس هەرێم و ژمارەیەک لە ئەفسەران و پلەداران، لە ڕێورەسمێکدا، عەميد كامل محەممەد باقر، لە شوێنى عەمید شوان عارەب، وەک بەرێوەبەرى پۆلیسى هەولێر دەستبە کاربوو.
له‌ ڕێورەسمەکەدا، پارێزگارى هەولێر، دەستخۆشى لە عەمید شوان عارەب کرد، كە لە ماوەی ڕابردوودا وەك بەڕێوەبەری پۆلیس ڕۆڵی دیارى ھەبووە لە بەرقەرارکردنى یاسا و پاراستنى ئارامى و ئاسایشی شارى ھەولێر، هاوکات پیرۆزبایی لە عەميد كامل محەممەد باقر کرد وەک بەڕێوەبەری نوێی پۆلیسی ھەولێر و ھیوای سەركەوتنی لە ئەرک و کارەکانیدا بۆ خواست.
لە مەراسیمەکەدا. جەخت لە تەواوی پاڵپشتی و پشتیوانییەکی وەزارەتى ناوخۆ و پارێزگاى هەولێر و بەڕێوەبەرایەتى گشتیى پۆلیس بۆ بەڕێوەبەرایەتى پۆلیسى هەولێر کرایەوە، لە پێناو بەرقەرارکردنى یاسا و پاراستنى ئارامى و ئاسایشی شارى ھەولێر و پارێزگاریکردن لە سەلامەتی و سەر و ماڵ و گیانى هاوڵاتییان.

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ