جەماوەر نیوز
سبەینێ دوا وادەی پڕكردنەوەی فۆڕمی ئەلیكترۆنی خۆراكە، لەدوای ئەو وادەیە پرۆسەکە دەکرێت بە پارە.

‎ئەمڕۆ شەممە ٣١ـی ئابی ٢٠٢٥، محەمەد حەنون، وتەبێژی وەزارەتی بازرگانی عیراق بڵاویکردەوە، تائێستا ٣٧ ملیۆن هاووڵاتی عیراقی فۆڕمی ئەلیكترۆنی خۆراكیان پڕكردووەتەوە و سبەینێ دوا وادەیە بۆ پڕكردنەوەی فۆڕمەكە، لە دوای وادەی دیاریکراو، پرۆسەکە دەکرێت بە پارە.

وتیشی، تاوەکو ئێستا لە هەرێم ٨٥٪ـی هاوڵاتیان فۆڕمەكەیان پڕكردووەتەوە، کە لە هەڵەبجە ٨٩٪ و لە هەولێر ٨٧٪ و  لە سلێمانی ٨٦٪ و لە دهۆكیش ٨٢٪ـی هاووڵاتیان فۆڕمی ئەلیكترۆنییان پڕكردووەتەوە.