جەماوەر نیوز
پۆلیسی سلێمانی رایگەیاند، لەسەر سکاڵای هاوڵاتییەک کە بڕی 20 هەزار دۆلار وسەد دۆلای ئەمریکی لێدزرابو ، دو تۆمەتبارمان دەستگیرکردوە

بەڕێوەبەرایەتیی پۆلیسی سلێمانی لە راگەیەندراوێکدا بڵاویکردەوە، دوای ئەوەی هاوڵاتییەك سكاڵای تۆماركرد كە لە ماڵەكەی خۆیدا دزیی لێكراوە و بڕی 20 هەزار و سەد دۆلاری ئەمریكیی لێدزراوە، هێزەكانی پۆلیس لێكۆڵینەوە و بەدواداچوونەكانیان بۆ دۆزینەوە و دەستگیركردنی تۆمەتباران دەستپێكرد.

ئاماژەیان بەوەشکردوە ، لەسەر سكاڵای هاوڵاتییەك و لەلایەن مەفرەزەكانی نووسینگەی نەهێشتنی تاوانی سەیدسادقی سەر بە بەشی پۆلیسی نەهێشتنی تاوانی بەڕێوەبەرایەتیمانەوە، دوو تۆمەتبار دەستگیركران.

دەشڵێن، دوای وەرگرتنی بڕیاری دادوەر، توانرا لەلایەن مەفرەزەكانی نوسینگەی نەهێشتنی تاوانی سەیدسادقەوە دو تۆمەتبار دەستگیربكرێن كە بە ناوی دەرۆزەكردنەوە، چوونەتە ماڵەكەی و پارەكەیان بردوە.

پۆلیسی سلێمانی دەشڵێت، لەئێستادا تۆمەتباران كە پیشەیان دەرۆزەكردنە، بە بڕیاری دادوەر و بەپێی ماددەی 444 لە یاسای سزادانی عێراقی راگیراون و دانیان ناوە بە تاوانەكەیاندا، لەكاتی دەستگیركردنیشیاندا، دەستگیراوە بەسەر بڕێك لە پارە دزراوەكەدا.