جەماوەر نیوز
وەزارەتی كارەبای هەرێمی كوردستان تاقیكردنەوەی فشار ئەنجام دەدات لەهەرسێ پارێزگای هەولێر، سلێمانی و دهۆك.
لە راگەیەنراوێكدا وەزارەتی كارەبا بڵاویكردوەتەوە، هەولێر، هەڵدەستن بەئەنجامدانی تاقیكردنەوەی فشاری سەر تۆڕی كارەبای نیشتمانی لەهەر سێ پارێزگای هەولێر، سلێمانی و دهۆك، ئەم تاقیكردنەوەیە ناوچەكانی ناوەوەو دەرەوەی پڕۆژەی روناكی دەگرێتەوە. 
راشیگەیاندوە، تاقیكردنەوەكە رێكارێكی رۆتینیە كە بۆ تۆڕی كارەبا ئەنجام دەدرێت لەلایەن وەزارەتی كارەبای حكومەتی هەرێمی كوردستانەوە كە ئامانج لێی دیاریكردنی كێشەو خاڵە لاوازەكانی تۆڕەكانی گواستنەوەو دابەشكردنی كارەبایە لەماوەی دوو رۆژی تاقیكردنەوە بۆ هەر پارێزگایەك كە تییایدا هاوڵاتیان كارەبای بەردەوامیان دەبێت.
وەزارەتی كارەبا هاوڵاتیانیشی ئاگادار كردوەتەوە، لە ئەگەری پچڕانی كارەبا لەكاتی ئەنجامدانیداو تاقیكردنەوەكە لە پارێزگای هەولێر دەستپێدەكات لە بەرواری 1 و 2ی مانگی 9.