جەماوەر نیوز
سەرۆك وەزیران هەرێم فەرمانی دامەزراندنی سەدان دەرچووی كۆلێژە پزیشكییەكانی هەرێمی كوردستانی واژۆ كرد.
فەرمانی دامەزراندنی دەرچووانی كۆلێژی پزیشكی زانكۆكانی (سلێمانی، هەولێری پزیشكی، دهۆك، زاخۆ، كۆیە، گەرمیان و زانكۆی كوردستان)ـی دەركرا.
بە گوێرەی ڕاگەیەنراوێكی حكوومەتی هەرێمی كوردستان، ئەوانەی فەرمانی دامەزراندنیان بۆ دەرچووە ژمارەیان 775 دەرچووی ساڵی خوێندنی ( 2023- 2024 )ـن لە سەر میلاكی وەزارەتی تەندروستیی حكوومەتی هەرێمی كوردستان و بە ناونیشان و مووچە و دەرماڵەی شایستە و لەسەر داهاتی ناوخۆی حكوومەتی هەرێمی كوردستان.
 جەختیش كراوەتەوە، ئەم فەرمانە لەبەر پێویستی زۆری دامودەزگاكانی تەندروستی هەرێمی كوردستان بە ڕاژەی پزیشكی نیشتەجێی خولاو دەرچووە.