جەماوەر نیوز
سەرچاوەیەک ئاشکرایکرد، پاش راپۆرتەکەی ئەنجومەنی دەوڵەت بۆ ئەنجومەنی وەزیران بەرچاوڕوونیی زیاتر لەبارەی دۆسیەی نانەوتیی هەرێم یەکلادەبێتەوە.
بەپێی زانیارییەکانی سەرچاوەیەک، بڕیارە سەرەتای هەفتەی داهاتوو ئەنجومەنی دەوڵەت بڕیار لەسەر کێشەکانی نێوان هەرێم و بەغداد بدات، حکومەتى هەرێمى کوردستانیش بۆ ناردنى داهاتى نانەوتیى مانگى تەمموز، چاوەڕێى بڕیارەکەی ئەنجومەنی دەوڵەت و یەکلابوونەوەى پرسى داهاتى نانەوتی دەکات.
هەر بەپێی زانیارییەکان، ئەگەر ئەنجومەنی وەزیرانی عێراق سەرەتای هەفتەی داهاتوو کۆبوونەوەی نائاسایی بکات، ئەوا بڕیار لە چارەنووسی مووچەی مانگی حەوت و مانگەکانی دیکەی ئەمساڵیش دەدات، ئەگەر ئەو کۆبوونەوە نائاساییە ئەنجامنەدرێت، ئەوا چاوەڕوان دەکرێت رۆژی سێشەممەی هەفتەی داهاتوو، بڕیار لە مووچەی مووچەخۆرانی هەرێم بدرێت.