لە ماوەی کابینەی نۆیەمدا زیاتر لە 6 ترلیۆن دینار بۆ پرۆژەکانی ڕێگەوبان و شەقامەکان خەرج کراوە

13.08.2025
جەماوەر نیوز

فەرمانگەی میدیا و زانیاری بڵاویکردەوە ، کابینەی نۆیەمی حکومەتی هەرێمی کوردستان لە خزمەتکردنی هاووڵاتییان بەردەوامە، بۆ ئەو مەبەستەش هەنگاوی ستراتیجیی گرنگی ناوە بۆ ژێرخانی ڕێگەوبان بۆ هەموو شار، شارۆچکەکان و زۆربەی گوندەکان.
لەو ماوەیەدا 717 پرۆژەی ڕێگەوبان جێبەجێ کراون، 402 پرۆژەی تر لە جێبەجێکردندان و تەنیا لە دەرەوەی شارەکان 2 هەزار و 618 کیلۆمەتر ڕێگای نوێ دروست کراون.

ئاماژەی بەوەشکرد، نزیکەی 2 هەزار پرۆژەی دروستکردنی شەقام ئەنجام دراون، زیاتر لە 6 ترلیۆن دینار بۆ پرۆژەکانی ڕێگەوبان و شەقامەکان خەرج کراوە؛ زۆربەی ئەو ڕێگا و شەقامانە ئەندازەی هاتوچۆیان بۆ کراوە. هاوکات بەهۆی ئەو پرۆژانەوە، ماوەی ڕێگای زۆربەی شار و شارۆچکەکان کەم بووەتەوە.

جەختیشیکردەوە، حکومەتی هەرێمی کوردستان، ئامانجی سەرەکیی پاراستنی گیانی هاووڵاتییان و بەهێزکردنی ژێرخانی ئابوورییە، لەم ڕووەوەش گرنگیی زۆر بە ڕێگەوبانەكان و گواستنەوە دەدات.


بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ