جەماوەر نیوز
وەزارەتی گواستنەوە و گەیاندنی حكوومەتی هەرێم ڕایگەیاند: لەسەر داوای وەزارەتی پەروەردەی هەرێم، لە ڕۆژانی تاقیكردنەوەكانی خولی دووەمی پۆلی 12 هێڵەكانی ئینتەرنێت و ڕادەگیرێن.
وەزارەتی گواستنەوە و گەیاندنی حكوومەتی هەرێمی كوردستان لە ڕاگەیەنراوێكدا بڵویكردەوە، لەسەر داوای وەزارەتی پەروەردەی حكوومەتی هەرێم، داوا كراوە لە ڕۆژانی تاقیكردنەوەكان، هێڵەكانی ئینتەرنێت ڕابگرین لەبەر بەرژەوەندیی گشتی و ڕێگریكردن لە دیاردەی گزی (غش) لە تاقیكردنەوەكانی  خولی دووەمی پۆلی 12 كە ئەمرۆ رۆژی شەممە دەستی پێكرد بە شێوەی ڕۆژەك نا ڕۆژەك تا ڕێكەوتی 8ـی ئەیلوولی بەردەوام دەبێت.
ڕوونیشیی كردەوە، تەنیا لە ڕۆژانی بەڕێوەچوونی تاقیكردنەوەكانی خولی دووەمی پۆلی 12 هێڵەكانی ئینتەرنێت و ناردنی هەموو جۆرە نامەیەك ڕادەگیرێن،لە كاتژمێر 6:30ـی بەیانی تاوەكوو كاتژمێر 7:45ـی بەیانی.
جەخت لەوەش كراوەتەوە، ئەو شوێنانەشی كە دیاریكراون كە پێویستە لە هەموو حاڵەتێكدا ئینتەرنێتیان هەبێت، بە هەمان میكانیزمی پێشوو ئینتەرنێتی بەردەوامیان دەبێت.