جەماوەر نیوز
تەندروستی سلێمانی بڵاویکردوەتەوە، تەنها لە مانگی رابردودا، زیاتر لە 16 هەزار منداڵ لە نەخۆشخانەی  د.جەمال احمد ڕەشیدی تایبەت بە منداڵان بینراون و چارەسەریان بۆکراوە و زیاتر لە  دوو هەزارو  500 منداڵیش خەوێندراون لە نەخۆشخانەکە.

ئەمڕۆ یەکشەممە، تەندروستی سلێمانی بە ڕاگەیەندراوێک،  ئاماری مانگی رابردوی بڵاوکردەوەتەوە و بەپێی ئاماری بەڕێوبەرایەتی گشتی تەندروستیەکە، مانگی ڕابردوو لەنەخۆشخانەی د.جەمال ئەحمەد ڕەشیدی منداڵانی فێركاری لەشاری سلێمانی 16,379 منداڵی نەخۆش لەهەردوو بەشی دەوامی بەیانیان و بەشی ڕاوێژكاری نەخۆشخانەكە بینراون.

 ئاماژەیان بەوەشکردوە، ئەو منداڵانە سەرجەمیان چارەسەری پێویستیان بۆ كراوە و 2,598 منداڵیش لە نەخۆشخانەکە خەوێندراون،  1,594 حاڵەتی سكچون و ڕشانەوە و ووشكبوونەوە و 185 حاڵەتی هەناسەتوندیش تۆماركراوە.

لە راگەیەندراوەکەدا ئەوەش هاتوە؛  485 منداڵ لەبەشی تیشك و دەمار و 155 منداڵ لەبەشی بەدخۆراكی و 169 منداڵ لەبەشی ڕاهێنانەوەی چارەسەری خۆراك و 113 منداڵ لەبەشی هەرس و جگەر بینراون.

ئەوەشیانخستوەتە روو، هەر لەو ماوەیەدا لەنەخۆشخانەکە  17,411 پشكنینی تاقیگەیی جۆراوجۆر و 478 سۆنەر و 125 ئیكۆ و 29 نازور ئەنجام دراوە و 485 تیشك گیراوە.