ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
بارزانى له‌گه‌ڵ که‌سایه‌تى کۆمه‌ڵایه‌تى و ئاکادیمى و سه‌رۆک هۆزه عه‌ره‌به‌کانى پارێزگاى نه‌ینه‌وا و مه‌خمور کۆده‌بێته‌وه
6/21/2017 8:37:00 PM
جەماوەر نیوز
جه‌ماوه‌رنیوز
ڕۆژى چوارشه‌ممه 21ى حوزه‌یرانى 2017 له شارى هه‌ولێر به‌ڕێز مه‌سعود بارزانى سه‌رۆکى هه‌رێمى کوردستان به مه‌به‌ستى شیکردنه‌وه‌ى دوایین پێشهاته سیاسییه‌کان و بارودۆخى شارى موسڵ و ڕیفراندۆم و گوزه‌رانى ئاواره‌کان و ئاگاداربوون له کێشه و گرفته‌کانیان له‌گه‌ڵ که‌سایه‌تى کۆمه‌ڵایه‌تى و ئاکادیمى و سه‌رۆک هۆزه عه‌ره‌به‌کانى پارێزگاى نه‌ینه‌وا و مه‌خموور کۆبۆوه.
له‌و کۆبوونه‌وه‌یه‌دا بارزانى له وته‌یه‌کدا ئاماژه‌ى به بارودۆخى سیاسى و ئه‌منیى پارێزگاى نه‌ینه‌وا و تێکشکانى سه‌ربازیى تیرۆریستانى داعش دا و جه‌ختى له‌وه کرده‌وه که ئه‌گه‌ر هۆکاره‌کانى ده‌رکه‌وتنى داعش چاره‌سه‌ر نه‌کرێت هه‌ڕه‌شه‌ى ده‌رکه‌وتنه‌وه‌ى داعش به شێوازى جۆراوجۆر به‌رده‌وام ده‌بێت و پێویسته مامه‌ڵه له‌گه‌ڵ ئه‌نجامه‌کان نه‌کرێ به‌ڵکۆ هۆکاره‌کان چاره‌سه‌ر بکرێن. بارزانى هێمایشى به‌وه‌دا که چاره‌نووسى هه‌موو لایه‌کمان هاوبه‌شه و یارمه‌تیدانى ئاواره‌کانیشى به ئه‌رکێکى مرۆڤى و برایانه له قه‌ڵه‌م دا.
له به‌شێکى ترى وته‌کانیدا بارزانى ڕۆشنایى خسته‌سه‌ر بڕیارى ڕیفراندۆمى گه‌لى کوردستان که له‌سه‌ر بنه‌ماى ئه‌زموونێکى تاڵ له‌گه‌ڵ ده‌وڵه‌تى عێراق دراوه و به دوورودرێژى باسى ئه‌و نه‌هامه‌تى و کاره‌ساتانه‌ى کرد که له سه‌ده‌ى ڕابردوو له لایه‌ن حکوومه‌ته‌کانى عێراق به‌سه‌ر گه‌لى کوردستاندا هاتووه و مه‌رجى شه‌راکه‌ت له‌گه‌ڵ گه‌لى کورد له لایه‌ن حکوومه‌ته‌کانى عێراق پێشێل کراوه.
بارزانى له درێژه‌ى قسه‌کانیدا باسى له قۆناغى دواى ڕووخانى ڕژێمى به‌عس کرد و باسى له به‌شداریى کاراى کوردستان کرد له دووباره بنیاتنانه‌وه‌ى ده‌وڵه‌تى عێراق و نووسینه‌وه‌ى ده‌ستوور به‌ڵام به شێوه‌یه‌کى نا یاسایى و ناده‌ستوورى وه‌ک سزادانى هه‌رێم نانى خه‌ڵکى کوردستان بڕدرا و هه‌ر له‌وه ڕۆژه‌ى بڕیاریان له بڕینى قووتى خه‌ڵکى کوردستان دا هه‌ر ئه‌وانه‌یش بڕیاریان له دابه‌شکردنى عێراق دا.
بارزانى مانه‌وه‌ى بارودۆخى عێراقى به‌مشێوه‌یه به هه‌ڕه‌شه و مه‌ترسى زانى و ئه‌وه‌یشى خسته‌ڕوو که ناکرێ له عێراقێکى یه‌کگرتوودا بمێنینه‌وه و شه‌ێ بکه‌ین و کێشه‌کان قووڵتر ببنه‌وه و دواى ڕیفراندۆمیش کوردستان ده‌که‌وێته گفتگۆ و لێکتێگه‌ییشتن له‌گه‌ڵ به‌غدا بۆ گه‌ییشتن به چاره‌سه‌رى گونجاو و ئاشتیانه و به‌غدا و هه‌ولێریش قووڵایى ستراتیژیى یه‌کتر ده‌مێننه‌وه.
هه‌ر له‌و کۆبوونه‌وه‌یه‌دا نوێنه‌رانى که‌سایه‌تى کۆمه‌ڵایه‌تى و ئاکادیمى و سه‌رۆک هۆزه‌کانى پارێزگاى نه‌ینه‌وا و مه‌خموور پرسیار و تێبینى و نیگه‌رانییه‌کانیان له‌باره‌ى بارودۆخى ئاواره‌کان و ئایینده‌ى ناوچه‌کانیان خسته‌ڕوو ، بارزانی وه‌ڵامى تێبینى و پرسیاره‌کانى دایه‌وه و ئاماده‌بوانى له‌وه دڵنیا کرده‌وه که فه‌رهه‌نگى گه‌لى کوردستان فه‌رهه‌نگى پاراستنى که‌رامه‌تى مرۆڤ و دژى جیاکارییه له‌نێوان پێکهاته‌کان، ئه‌وه‌یشى دووپاتکرده‌وه که ئه‌وه‌ى له‌گه‌ڵ داعش بێت چاره‌نووسى داعشى ده‌بێت و ئه‌وه‌ى په‌یوه‌ندى به داعش نه‌بووبێت که‌رامه‌تى پارێزراوه و براى ئێمه‌یه.
بارزانى داوایشى له که‌سایه‌تى کۆمه‌ڵایه‌تى و ئاکادیمى و سه‌رۆک هۆزه عه‌ره‌به‌کانى پارێزگاى نه‌ینه‌وا و مه‌خموور کرد که به ئازادییه‌کى ته‌واو له ڕیفراندۆمدا به‌شدار بن و خه‌ڵکى ناوچه‌که چ بڕیارێک له چاره‌نووسى خۆى ده‌دات ئه‌و بڕیاره جێبه‌جێ ده‌کرێ و هیچ سیغه‌یه‌ک به‌سه‌ریاندا ناسه‌پێندرێت.
ڤیدیۆ ... ده‌قى وتارى به‌رێز مه‌سعود بارزانى .
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023