هه‌واڵى که‌مکردنه‌وه‌ى هێزه‌کانى ئه‌مه‌ریکا له‌عێراق پشتڕاست ده‌کرێته‌وه‌

2/5/2018 5:31:00 PM
وێنەکان
هه‌واڵى که‌مکردنه‌وه‌ى هێزه‌کانى ئه‌مه‌ریکا له‌عێراق پشتڕاست ده‌کرێته‌وه‌
جەماوەر نیوز
 جه‌ماوه‌رنیوز







حکومه‌تى عێراق هه‌واڵى که‌مکردنه‌وه‌ى هێزه‌ سه‌ربازییه‌کانى ئه‌مه‌ریکا له‌ عێراقدا پشتڕاست ده‌کاته‌وه‌.

سه‌عد ئه‌لحه‌دیسی، له‌ لێدوانه‌که‌یدا بۆ ئاژانسى ده‌نگ و باسى ئه‌سیۆشێتد پرێس ئاماژه‌ى به‌وه‌ کردووه‌ دوابه‌دواى ڕاگه‌یاندنى به‌غدا بووه‌ بۆ سه‌رکه‌وتن به‌سه‌ر ڕێکخراوه‌ تێرۆریستیه‌که‌ى ده‌وڵه‌تى ئیسلامی که‌مکردنه‌وه‌ى هێزه‌ سه‌ربازییه‌کانى ئه‌مه‌ریکا ده‌ستى پێکردووه‌ .

ئه‌لحه‌دیسى ووتى : شه‌ڕى دژى داعش کۆتایى پێهاتووه‌، هه‌ربۆیه‌ ڕێژه‌ى بوونى هێزه‌کانى ئه‌مه‌ریکا له‌ عێراقدا که‌م ده‌بێته‌وه‌ و هه‌روه‌ها ده‌ڵێت له‌ ئێستادا کشانه‌وه‌که‌ له‌ قۆناغه‌ به‌راییه‌کانیدایه‌ و به‌ ماناى کشانه‌وه‌ى ته‌واوه‌تى هێزه‌ سه‌ربازییه‌کانى ئه‌مه‌ریکا نییه‌ .

له‌ مانگى هه‌شتى ساڵى 2014 دا وڵاته‌ یه‌کگرتووه‌کانى ئه‌مه‌ریکا ده‌ستیکرد به‌ هێرشى ئاسمانى له‌ عێراقدا بۆسه‌ر مۆڵگاکانى داعش و دواتریش پاڵپشتێکى سه‌ره‌کى سه‌رکه‌وتنه‌کانى هێزه‌ سه‌ربازییه‌کانى عێراق بووه‌ له‌وانه‌ کۆنترۆڵکردنه‌وه‌ى شارى موسڵ، دووهه‌م گه‌وره‌ترین شارى عێراق.

کۆنتراکته‌ره‌ ڕۆژئاواییه‌کانیش له‌ بنکه‌ى هاوپه‌یمانانى به‌ سه‌رکردایه‌تى ئه‌مه‌ریکا ده‌ڵێن سه‌ربازه‌ ئه‌مه‌ریکییه‌کان و چه‌ک و که‌ره‌سته‌ و که‌لوپه‌له‌ له‌شکرییه‌کانى ئه‌مه‌ریکا گواستراونه‌ته‌وه‌ بۆ ئه‌فغانستان، ئاماژه‌ به‌وه‌ش ده‌کات که‌ماوه‌ى هه‌فته‌یه‌که‌ ڕۆژانه‌ ده‌یان سه‌ربازى ئه‌مه‌ریکى گواستراونه‌ته‌وه‌.





ده‌نگى ئه‌مه‌ریکا 


لۆگۆ
سەرپێچی

وتار

زۆرترین خوێندراو