راگه‌یه‌نراوى مه‌کته‌بی سیاسی پارتى سۆسیال دیموکراتى کوردستان له‌یادى 32 ساڵه‌ى راپه‌ڕیندا

04.03.2023

وێنەکان

راگه‌یه‌نراوى مه‌کته‌بی سیاسی پارتى سۆسیال دیموکراتى کوردستان له‌یادى 32 ساڵه‌ى راپه‌ڕیندا

جەماوەر نیوز

مه‌کته‌بی سیاسی پارتى سۆسیال دیموکراتى کوردستان له‌یادى 32 ساڵه‌ى راپه‌ڕنه‌مه‌زنه‌که‌ى به‌هارى 1991 دا راگه‌یه‌نراوێکى بڵاو کرده‌وه‌ و تیایدا وێراى پیرۆزبایى له‌بنه‌ماڵه‌ى سه‌ربه‌رزى شه‌هیدان و پێشمه‌رگه‌ قاره‌مانه‌کان جه‌خت له‌سه‌رکه‌وتنى راپه‌ڕین ده‌کاته‌وه‌ به‌هۆى یه‌کڕیزى لایه‌نه‌سیاسیه‌کان و هێزى پێشمه‌رگه‌ى کوردستان و پاڵپشتى جه‌ماوه‌رى تێکۆشه‌رى گه‌له‌که‌مان .

هه‌رله‌ راگه‌یه‌نراوه‌که‌دا هاتووه‌ راپه‌رین قۆناغێکى نوێى پێشهێنا و هاوکێشه‌ سیاسیه‌کان له‌ناوچه‌که‌دا گۆڕى و بووه‌ وه‌رچه‌رخانێکى مێژووى گه‌له‌که‌مان و سه‌ره‌تاى مه‌رگى داگیرکه‌رانى کوردستان بوو.

هه‌روه‌ها ئه‌وه‌شى خستۆته‌روو که‌ پارتى سۆسیال دیموکراتى کوردستان هه‌رله‌سه‌ره‌تاى هه‌ڵگیرساندنى شۆرشى نوێى گه‌له‌که‌مان (1976) وه‌ پێشه‌نگ و سه‌رقافڵه‌ى گیانبازى و قوربانیدان وخوێنبه‌خشین بووه‌ .یه‌که‌م شه‌هیدى راپه‌رینه‌ مه‌زنه‌که‌ش (سۆسیالیست ) بوو که‌گیانى کرده‌ قوربانى گه‌ل و نیشتمان و مژده‌ى سه‌رکه‌وتنى گه‌یانده‌ گوێى دۆست و نه‌یاران .

راگه‌یه‌نراوه‌که‌ى مه‌کته‌بى سیاسى باس له‌وه‌ده‌کات که‌له‌هه‌رێمى کوردستان کێشه‌ى نێوان لایه‌نه‌ سیاسیه‌کان زۆر به‌روونى به‌دى ده‌کرێت و بوه‌ته‌ هۆى دواکه‌وتنى هه‌ڵبژاردنى په‌رله‌مانى کوردستان ،که‌ته‌واوى پرۆسه‌ى سیاسیى و دیموکراسیمان ده‌خاته‌ ژێر پرسیاره‌وه‌ ،بۆیه‌ باشترین وه‌فادارى بۆ که‌سوکارى شه‌هیدان له‌م یاده‌دا هه‌وڵبدرێت (ئه‌نجومه‌نى سیاسى ) دابمه‌زرێت که‌چه‌ترى کۆکردنه‌وه‌ى لایه‌نه‌کان بێت .

ده‌قى راگه‌یه‌نراوى مه‌کته‌بى سیاسى پارتى سۆسیال دیموکراتى کوردستان .