جەماوەر نیوز
سەرپەرشتیاری بایۆمەتریی سلێمانی رایدەگەیەنێت، لە سێ رۆژی داهاتوودا سەرجەم کارەکانی ئامادەکردنی مووچەی مانگی شوبات کۆتاییدێت و دواتر رەوانەی بەغداد دەکرێت.
یادگار جەبار، سەرپەرشتیاری بایۆمەتریی سلێمانی ئاشکرایکرد، وەزارەتی دارایی هەرێمی کوردستان، رێکەوتی 10ی ئەم مانگە، سیستمی پەیرۆڵی بۆ ئامادەکردنی لیستی مووچە کاراکردووە.
وتیشی، لە سێ رۆژی داهاتوو، سەرجەم کارەکانی ئامادەکردنی لیستی مووچەی مانگی شوبات لەلایەن یەکە ژمێریارییەکانەوە تەواودەکرێن، بڕیاریشە کۆتایی ئەم هەفتەیە لیستی مووچەی مانگی شوبات رەوانەی وەزارەتی دارایی عێراق بکرێت.
یادگار جەبار روونیشیکردەوە، لیستی ئەو خانەنشینانەی مانگی رابردوو، کە شایستە داراییەکانیان لە بەغدادەوە نەهاتبوو، لە سیستەمی پەیڕۆڵدا وەک پاکێجێکی جیاواز جێگیرکراوە