له‌ خورماتوو دووچه‌کداری داعش کوژران

29.09.2020
جەماوەر نیوز

دیار که‌رکوکى

له‌سنورى شارۆچکه‌ى خورماتوو بۆسه‌یه‌کى هاوبه‌شى هێزه‌کانى ئاسایشى سلێمانى و سوپاى عێراق له‌ سنورى شارۆچکه‌ى  خورماتوو بۆ تیرۆرستانى داعش دانراو به‌وهۆیه‌وه‌ دوو چه‌کدارى داعش کوژران.
سه‌رچاوه‌یه‌کى ئه‌منى به‌جه‌ماوه‌ر نیوزى ڕاگه‌یاند هێزه‌کانى ئاسایشى سلێمانى له‌گه‌ڵ لیواى 52ى سوپاى عێراق له‌ سنورى شارۆچکه‌ى خورماتوو بۆسه‌یه‌کیان بۆ ژماره‌یه‌ک تیرۆرستى دانا له‌ سه‌ر زانیارى هه‌واڵگرى و دواى دروستبوونى شه‌ڕێکى سه‌خت له‌نێوانیاندا دوو تیرۆریست کوژران و دوو کارمه‌ندى ئاسایشیش بریندار بوون.
سه‌رچاوه‌که‌ وتیشى له‌وشه‌ڕه‌دا تیرۆریستێک ده‌ستگیرا و ئۆتۆمبیلێک و ماتۆڕسکیلێک سوتانودواى کۆتایى هێنانى دووکارمه‌نده‌ برینداره‌که‌ ڕه‌وانه‌ى نه‌خۆشخانه‌کران به‌مه‌به‌ستى چاره‌سه‌ر کردنیان.