تیروپشکی قۆناغی دووەمی خولی خوار 20 ساڵانی کوردستان راکێشرا

13.08.2025
جەماوەر نیوز
12 یانەى خولى خوار 20 ساڵانى کوردستان بەسەر چوار کۆمەڵە دابەشکران و یاریەکانیش 18ى ئەم مانگە بەڕێوەدەچن.
ئەمڕۆ چوارشەممە 13/8/2025 لە بارەگاى یەکێتى تۆپى پێى کوردستان لە هەولێر تیروپشکى قۆناغى دووەمى خولى خوار 20 ساڵانى کوردستان راکێشرا.
12 یانە بەشداربووەکەى قۆناغەکە بەسەر چوار کۆمەڵەدا دابەشکران، هەر کۆمەڵەیەک سێ یانە لە خۆدەگرێت.
یارییەکان بەشێوازی چوون و هاتن بەڕێوەدەچێت، پاڵەوانی هەر کۆمەڵەیەک راستەوخۆ سەردەکەوێت بۆ چوارگۆشەی زێڕین، یارییەکانیش دووشەممە 18/8/2025 کاتژمێر 4:30ى پاش نیوەڕۆ بەڕێوەدەچێت.
لە دوو وەرزى رابردوودا یانەى سیروانى نوێ نازناوى خولەکەى بەدەستهێناوە، کە ئەم وەرزە و لەم قۆناغەدا کەوتووەتە کۆمەڵەى سێیەمەوە.

کۆمەڵەى یەکەم/ هەولێر، پیشەسازى، ئاکرێ
کۆمەڵەى دووەم/ پێشمەرگەى هەولێر، زاخۆ، هەندرێن
کۆمەڵەى سێیەم/ سیروانى نوێ، رانیە، شۆریجە
کۆمەڵەى چوارەم/ قەڵادزێ، خاک، رزگارى

بابەتی هاوشێوە

زۆرترین خوێندراو

  • ڕۆژ
  • هەفتە
  • مانگ