جەماوەر نیوز
سەرلەبەیانی ئەمڕۆ پێنج شەممە محەمەد حاجی محموود سەردانی نوسینگەی مەکتەبی سیاسی  پارتی سۆسیال دیموکراتی کوردستانی  کرد لە پارێزگای هەڵەبجە لەلایەن هەڤاڵ نەوزاد عبدول قادر و ژمارەیەک لە هەڤاڵانی حیزب بەگەرمی پێشوازی لێکرا   
لە سەردانەکەیدا محەمەد حاجی مەحمود تیشکی خستە سەر بارودۆخی سیاسی ڕۆژهەڵاتی ناوەڕاست و عێراق و کوردستان بە تایبەت ئامادەکاری تەواو بۆ چوونە نێو پڕۆسەی هەڵبژاردنی خولی شەشەمی ئەنجومەنی نوێنەرانی عێراق و سەرخستنی لیستی ٢١٦ی پارتی سۆسیال دیموکراتی کوردستان و کاندیدەکانی تاوەکو لە پەرلەمان دەنگێکی دلێر بن و بەرگری بکەن لە مافە ڕەواکانی گەلی کوردستان و شایستەکانی بە دەست بهێنن
لای خۆیانەوە هەڤاڵان بەڵێنیان دوپات کردەوە هەرچی لە توانایاندا بێت بۆ سەرخستنی لیستی ٢١٦ی پارتی سۆسیال دیموکراتی کوردستان و کاندیدەکانی و زۆر سوپاسی محەمەد حاجی مەحمودیان کرد بۆ ئەو دیدار و بەسەرکردنەوەیە و ڕۆڵی بەڕێزیان لە نیو سەدە خەبات بۆ ئازادی گەلی کورد بەرزنرخاند