جەماوەر نیوز
ڕیاڵ مەدرید داوای ڕاگرتنی یاری نێوان بەرشەلۆنە و ڤیاریاڵ لە ئەمریکا دەکات و بۆ ئەو مەبەستەش داوایەکی ئاڕاستەی فیفا و یوێفا کردووە.
یانەی ڕیاڵ مەدریدی ئیسپانی لە پێگەی فەرمی خۆی بڵاویکردەوە داوایەکیان ئاڕاستەی سەرۆکایەتی فیفا و یوفا کردووە بۆ ڕاگرتنی یاری نێوان بەرشەلۆنە و ڤیاریاڵ لە خولی ئیسپانیا کە 15 ی ئاب لە هارد ڕۆک ستادیومی میامی لە ئەمریکا بەڕێوەدەچێت.
یانەکە پێی وایە یاریەکە نا یاساییە و پێشتر بە هیچ یانەیەک نەوتراوە کە هەندێک لە یاریەکان لە دەرەوەی ئیسپانیا بەڕێوەدەچێت پێی وایە بەرشەلۆنە سوودی بازرگانی لێوە بەدەست ئەهێنێت.
ڕاشیگەیاند ئەگەر بەو جۆرە بێت دەبێت بۆ هەموو یانەکان وەک یەک بێت و دادپەروەرانە بێت.
لە وەڵامدا خوان لاپۆرتای سەرۆکی بەرزشەلۆنە دەڵێت ، هیچ هۆکارێکی نایاسایی نیە بۆ ڕاگرتنی یاریەکە و ئەمە هەوڵی ڕیاڵ مەدریدە بۆ ڕێگریکردن لە گەشەکردنی تۆپی پێی وڵاتەکە.
لە ئەگەری ڕازی بوونی هەریەک لە فیفا یان یوێفا بە داواکەی مێرینگی یاریەکە ڕەت دەکرێتەوە.
کاشان قادر